कम्प्युटर पर Typing स्पीड कैसे improve करे या बढ़ाए हिन्दी मे जानकारी |

0
45
Computer par achchi speed pane ke liye ya phir apni speed improve karne ke liye aapko kuch dino tak mehnat karna hoti hai aur dhire dhire aapki typing speed badne lag jati hai aur aaj is post me aapko kuch ese hi tips dene wale hai jiski madad se aap apni typing speed ko kafi had tak improve kar sakenge.
Computer 💻 operator ki words type karne ki speed ko mapne ke liye WPM (Words Per Minute) ka use karte hai yani ki ek minute me koi user kitne words type kar sakta hai aur vese bhi aaj ke time ki vacancies aur other work me 40-45 words/minute English aur 30-35 words/minute Hindi typing me speed mangi jati hai aur agr aap kisi computer operator ki job karne ja rahe hai to aapki typing speed kaphi achhi hona chahiye agar aapki computer typing speed fast nahi hai to mai aaj aap logo ko bataunga ki kaise apni typing speed ko fast kare?
Typing speed kaise badaye

 

Yaha par mai aapko kuch Rules (niyam) bata raha hu jinhe follow karke apni typing speed badha sakte hai.

Computer keyboard par apni typing speed kaise badhaye?

Friends Typing speed ko badhane ke liye aapko kuch Rules ko follow karna padeg jisse aap kuch hi dino apni typing speed fast kar sakte hai.

Rules 

1. Jab kabhi bhi computer system par typing karne bethe apni kamar ko sidha rakhe aur apne panv(foot) jamin se tika kar ya niche ki aur rakhe taki aap system ke samne strait baith sake.

2. Apni unglio ko hamesha “QWERTY” ke sequence me rakhe.

3. Apne liye comfortable size keyboard select Kare jis par aap acche se type kar sake aur keyboard to thik tarike se samjh sake.

4. Apne Left hand ki anguliyo ko ‘ASDF’ aur right hand ki anguliyo ko ‘JKL;’ ke anusar rakhe aur dono hath ke thumb ko thoda upar utha kar rakhe taki keyboard par koi button na dabe.

5. Ek bar keyboard ko dhyan se dekhle aur uske bad me bar bar keyboard ki aur na dekhe words ke kram (sequence) ko yad rakhne ki koshish kare.

6. Typing karte time apne hatho ko bar bar na uthaye.

7. Keyboard par se hath na uthane ke sath hi sath ye bhi dhyan rakhe ki left hand side vale words ko right hand se aur right hand side vale words ko left hand se na dabaye yani ki hatho ki crossing na kare agr aap esa karte hai to aap keyboard ke kram ko yad nahi rakh payenge.

8. Keyboard ke word ko trick ke rup me yad rakhne ki koshish kare jisse aap use jaldi yad kar payenge.

9. Left hand side(asdf) vale words ko jab capital dabana ho tab right side vale shift ka use kare aur jab Right hand side(jkl) vale words ko capital dabana ho to Left side vale Shift ka use kare taki aapko jis word ko capital krna hai oose dabane me problem na ho.

10. Last aur sabse jaruri point ek din me aap typing expert nahi ban sakte hai isliye daily typing practice kare aur ek paragraph ko ek fix time me karne ki koshis kare. Jyada se jyada type karne ki koshish kare.

In 10 tariko ko apna kar apni typing speed badha sakte hai.
Ab mai aapko kuch Typing software bata raha hu jo aapki typing speed badhane me help kar sakte hai jisse aap easily typing karte time baithne ka setup aur hatho ko keyboard par kis tarah se rakhe sikh sakte hai.

Typing Speed badhane ke liye Typing software konse hai?

typing-speed-kaise-badhaye

1. Typing Tutor, Rapid Typing Tutor, Typing Trainner, Max Type. Ye sabhi software hai Jo typing karne me aapki madad kar sakte hai. Mere hisab se Typing master Tutor Aap logo ke liye best typing software hai isme Aapko one by one instruction ke sath guide kiya jata hai aur sath hi Typing Analysis, Visual Training, Customized Review, Typing speed test, Typing games ise aur bhi bahtar bana dete hai. Aap chahe to niche di gayi link se “Typing master software download” kar sakte hai.

2. Online Typing Test
Agar aap apne computer me kisi bhi tarah ka typing software downlaod nahi karna chahte hai to aap online typing test de kar bhi apni typing speed ko badha sakte hai. Internet par dher sari esi online website hai jo free me typing Test ki training karti hai.  Aap chahe to Google par Online typing speed test likh kar search kar sakte hai aur typing test de sakte hai. 

Typing Software Use karne ke fayde 

In software ki help se aap typing speed to badegi hi aur sath hi aap apni typing speed bhi check kar sakte hai, In software ki kuch khas bat yah bhi hai ki user typing ki practice karte hue kahi bor na ho isliye inme kuch typing test ke rup me games hote hai jinhe aapko ek fix time me khelna hota hai in games me shabad milna aur ballon fodna jaise games hote hai jisme aapko intrest aayega aur aap maze se apni typing speed bhi badha lenge ise aap “learna by fun” based software bhi kah sakte hai kyonki schools and computer centers par es type ke software ka use kiya ja raha hai.
Softwares ki ek khas bat yeh bhi hai ki aapke typing test dene ke bad me aapko ye dikhat hai ki aap kis word ko galat dabate hai aur kis word par aako focus karne ki jarurat hai, aapne kitna sahi aur kitna galat likha hai yeh bhi batate hai. Iske alava Aap apni typing test and practice online website se bhi kar sakte hai.

LEAVE A REPLY

Please enter your comment!
Please enter your name here