PowerPoint kya hai? Ms Powerpoint kaise upyog kare.

0
103

Hi Friends, Es post me hum aapko Microsoft PowerPoint ke bare me batane vale hai agar aap PowerPoint ke bare me nahi jante hai to hamari yeh post jarur padhe isme hum PowerPoint ke basic ke bare me batane vale hai aur sath hi slides kya hoti hai, office button kya kam karta hai jaise sabhi bato ke bare me batane vale hai.

Microsoft PowerPoint Presentation kya hota hai?

Microsoft PowerPoint ek Presentation banane ka ek Application software hai. Presentation ka upyog kai logo ya puri janta ko ek dikhane ya samjhane ke liye kiya jata hai. Yeh Microsoft Office ke package ka ek software hai aur iska extension .Ppt hota hai. Ise short form me MsPowerPoint ke name se bhi jana jata hai. Yeh slides format me kuch media file create karta hai jisme Audio, video, animation, effect hote hai jisse kisi bhi user ke samne hum apni bat ko badi hi aasani se samjhaya ja sakta hai.

ms-power-point-kya-hai-puri-jankari

PowerPoint me use hone vale pages ko isme Slides kaha jata hai hume har page par alag – alag formatting : – effects, animation, design apply karna hoti hai jisse hum har page ko unique aur attractive bana sakte hai. PowerPoint ka use company, offices me kisi bhi product ke bare me introduce karvane aur apni marketing ko badhane ke liye kiya jata hai. Isme use hone vale transition effect user ko apni side adhik aakarshit karte hai jisse vo product, aim ko samjhane se dhyan nahi hata pate hai aur sath hi agar aap iske sounds ka bhi use karte hai to phir to bat kuch aur hi hogi. Aap situation ke hisab se sounds ko bhi apply karte hai to vyakti us presentation se apni nazre nahi hata payega.




PowerPoint .Ppt Tools ki jankari

Office Button :- Office button Powerpoint ke main button me se ek hai jiska use hum kisi bhi presentation file ko new, open, save, print karne ke liye karte hai.

Quick Access Toolbar :- Es tool bare me kuch mostly use hone vali tools ke shortcuts hote hai jinhe hum apni jarurat ke hisab se add aur remove  kar sakte hai aur Powerpoint me shortcut key ki tarah use kar sakte hai.

Title Bar :- Tiitle bar, yeh ms powerpoint ka sabse upar ka bhaag hota hai jisme hamare diye gaye name ke aadhar par file name show karti hai agar hum file ko save nahi karte hai aur name nahi dete hai to PowerPoint by default iska name Presentation1 rakhta hai.

microsoft-powerpoint-buttons-ke-name
Ribbon :- PowerPoint me kai sari tools hoti hai jinhe alag-alag group me rakha jata hai. en groups ko Tab me rakha jata hai jab hum kisi tab ko kholte hai aur uske group dikhai dete hai vo bhag ribbon kahlata hai. hum chahe to ise hide aur show kar sakte hai bas iske liye aapko kisi bhi tab par double click karna hoga vo hide ho jayegi aur agar aap phir se click karte hai to vo phir se show ho jayegi.




Status bar and Text Area :- Microsoft PowerPoint file me total kitne slide hai aur current me hum kis slide par hai uski location batane ka kaam niche Left side ki patti (Status bar) karta hai aur Right side ke option Slide view aur Zoom level ke setting dikhata hai.

Slide :- Slides presentation ke pages hote hai jisme Titles, text, graphs, object, shapes, clipart jesi chije hoti hai.

Handouts  :- Handouts hamare presentation ko support karta hai. Handout hamari audience ke liye slides ke chhote printed version deta hai.

Speaker Notes :- Speaker notes create aur Print dono kiye ja sakte hai. Hum presentation ke har slide me ek small image dekh sakte hai jo notes page ke name se judi hoti hai.

Niche hume PowerPoint Presentation banane ka short tarika bataya hai agar Aap detail se Presentation banana janna chahte hai to niche di gayi link par click kare aur sikhe. 

PowerPoint Presentation kaise banaye ?

PowerPoint total 8 tabs hoti hai jinme kai sari tools hoti hai jinka use karke hum Presentation (.ppt) file create kar sakte hai par yaha par mai aap logo ko main tools ke bare me hi bataunga jinka use aapko power point me karna hai aur sath hi Power point ke tools ke name aur unke upyog bhi bataunga.

1. Presentation banane ke liye aapko sabse pahle Office button par click karke new presentation create karna hai jab new file ban jaye to apni jarurat ke hisab se new slides dalna hai.

2. Ab Aapko har slide ke liye alag-alag Desgin apply karna hai sabhi pages par different design apply karne ke liye slide par click kare.

Har Slide par custom design apply karne ke liye Selected Design par Right click kare aur Apply to Selected slides select kare.

3. Design select karne ke baad me Aapko Title and Subtitle me Text/word likhna hai aur complete karna hai.

4. Ab hume har Title and Subtitles ke liye Animation apply karna honge, hum Text box par jis tarah ke effects apply karenge slide show dekhte time par hume vese hi effect show honge aur usi tarah text box apni entry lenge. Ab aapko ek karke jis kisi par bhi Animation dalna hai iske liye aapko custom animation ka use karna hoga aur slected text ke liye Add effect karna hoga jisse hum har line ke liye alag-alag animation apply kar sakte hai aur jarurat padne par kabhi bhi remove kar sakte hai.






5.  Ab agar aap slide ke lliye Transition sound aur speed ko bhi change karna chahte hai to upar dikh rahe option se change kar sakte hai aur sath hi agar aap chahte hai ki slide automatically chalti jaye to iske liye On mouse click par se mark ko remove karna hoga aur Automatically after me (minute:second) format me time set karna hoga jisse diye gaye time me khud aage chalti rahegi.
Es tarike se aap Powerpoint me apni Presentation file ko bana sakte hai agar aap slide show ko setup karna chahte hai to Slide show vali tab me jakar Setup slide show par click kare aur slide ki setting kare.

LEAVE A REPLY

Please enter your comment!
Please enter your name here